Ақтөбеде жаңа мешіт бой көтерді. Заречный-3 ауылында орналасқан "Қабақ баба мешіті" жамағатқа есігін ашты. Алланың жердегі үйін қабақ руының ұрпақтары салған. Бүгін қасиетті орында алғашқы жұма намазы оқылды. Алыстан көз тартатын жасыл ғимаратты осы рудың ұрпақтары арнайы қор құрып, қаражат жинап, салған. Қала әкімінің орынбасары Қуантқан Әлімов жаңа мешітте ауыл жамағаты рухани тәрбие алатынына сенім білдірді. Қабақ баба мешітінің есігі әр мұсылманға ашық. Ғимаратқа бір мезетте 700 адам сияды. Бүгін мұнда алғашқы жұма намазы оқылды. Жақын маңдағы жамағат енді әр жұма сайын осында келіп, жаратқанға құлшылық етеді. Жұма намазынан соң, баба рухына арнап ас берілді. Мешіт жанынан бес ағаш үй тігілген. Жиналғандар қабақ руының құрметті ақсақалынан бата алды.