Облыс бойынша үй кезегінде тұрған 58188 адам бар
Облыс бойынша үй кезегінде тұрған 58188 адам бар. Баспана мәселесі көпшілік үшін әлі де өзекті. Бірі жылдар бойы тұрған үй кезегін күтіп жүрсе, енді бірі мемлекеттік бағдарламалар арқылы баспаналы болып жатады. Тұрғындардың пікірінше, баспанаға ең алдымен әлеуметтік осал топтағы азаматтар қол жеткізуі керек. Олардың қатарында көпбалалы аналар, жетім балалар, мүмкіндігі шектеулі жандар және табысы төмен отбасылар бар. Ал баспанаға мұқтаж жандардың арасында көпбалалы отбасылармен қатар, зейнет жасындағы ерлі-зайыптылар да бар. Алайда тұрғын үй кезегіндегі тұрғындардың барлығы бірдей мемлекеттік бағдарламалардың мүмкіндігін пайдалана бермейді. Бірі жеңілдетілген несие арқылы баспаналы болса, енді бірі әлі де қолайлы мүмкіндік күтуде. Қазір елімізде тұрғын үй жағдайын жақсартуға бағытталған бірнеше бағдарлама қарастырылған. Оның ішінде жеңілдетілген ипотекалық несиелеу тетіктері мен жалдамалы баспана беру шаралары бар. Бұдан бөлек, баспана құнының 50 пайызын мемлекет субсидиялап, қалған бөлігін сатып алушының өзі төлеуіне мүмкіндік бар. Тұрғындарға үй алу үшін арнайы "Баспана" порталы арқылы өтініш беру қажет. Өтініш мақұлданып, берілген мөлшерде қаржыландыруға рұқсат берілген жағдайда, тұрғын үй құнының жартысына мемлекет тарапынан субсидия бөлінеді. Тұрғын үй кезегін түгендеу жұмыстары алдағы уақытта да жалғасын табады.Количество показов: 10
Дата создания: 19.11.2026 07:33:40




















