700-ге жуық қызметті шоғырландырған халыққа қызмет көрсету орталығы 4 кезеңмен іске қосылады. 25 мамырда жұмысын бастайтын орталықта қызметтің 80 пайызы онлайн көрсетіледі. Әзірге ақтөбеліктер орталықтан тек онлайн өтініш арқылы рәсімделген құжаттарын ғана алады. Сақтық ережелеріне сәйкес азаматтар алдын ала жазылу тәртібі бойынша қабылданады. 1414 байланыс телефоны, egov.kz сайтындағы арнайы сервис арқылы, немесе TelegramBot қосымшасының көмегімен кезекке тұруға болады. 1414 байланыс телефонындағы COLL орталығы таңғы сағат 9 дан кешкі 8 ге дейін қызмет көрсетеді. Қазір 694 қызметтің тек 20 пайызы ғана қызметтік терезе арқылы жүзеге асырылады. Олардың қатарында жылжымайтын мүлікті тіркеу, зейнетақыны рәсімдеу, төл құжатты алмастыру секілді қызметтер бар. Бұл мекеменің де қызмет көрсету уақыты шектеулі. Жұмыс кестесі таңғы сағат 9-дан кешкі беске дейін. Миграциялық қызметтер орталығының қашан ашылатыны белігісіз.