Енді ерекше балаларға арналған қазақ тілінде мобильдік қосымшалар бар
Ақтөбеде ерекше білім беруді қажет ететін балаларға арналған алғашқы қазақ тіліндегі «Сауатты бала» және «Дыбыстар әлемі» мобильдік қосымшалары таныстырылды. Аймақта ерекше білім беру қажеттілігі бар балалар саны айтарлықтай артқан. Мысалы, 2023 жылы мұндай балалардың саны - 8 091 болса, 2025 жылы - 9 774 бала санына жеткен. Міне, қазақ тіліндегі заманауи цифрлық контенттің тапшылығы жаңа мобильдік платформаларды дайындаудың өзектілігін күшейтті. Балаларды орталықтарға апарып, оқытып-үйрететін орындар көптеп ашылып жатыр. Ал мобильді қосымша дегеніміз бұл арнайы мектептерде, үйде де ата-ана баламен үздіксіз айналыса береді. Қосымшалар Ғылым және жоғары білім министрлігінің 2023-2025 жылдарға арналған гранттық қаржыландыруы негізінде Қ. Жұбанов атындағы Ақтөбе өңірлік университетінің ғалымдары әзірлеген жоба аясында жасалды. Онда сөйлеу, артикуляция, фонематикалық қабылдау және байланыстырып сөйлеу дағдыларын дамытуға арналған интерактивті жаттығулар мен визуалды материалдар ұсынылған. Тәжірибе нәтижелері балалардың сөздік қоры мен коммуникативтік қабілеттері жақсарғанын көрсеткен. Бұл ата-аналар жағынан да қолдауға ие болған.Количество показов: 9
Дата создания: 29.11.2025 08:34:04
