Өңірде "Ковид-19" және пневмониядан емдеу мәселелері жөніндегі "Call-орталық" жұмыс істеп тұр. 24 сағат үздіксіз қоңырау қабылдайтын орталықта 14 дәрігер мен мемлекеттік қызметкерлер тұрғындардың сауалдарына кезектесіп жауап береді. Орталықтың таратқан ақпаратына сәйкес, тәулік бойы мамандардың 700 адамға жауап беріп үлгеруге мүмкіндігі бар. 5 шілдеден бастап жұмыс істеп жатқан орталыққа әзірге 9 байланыс нөмірі арқылы хабарласуға мүмкіндік бар. Оның төртеуі ұялы телефон арқылы. Смартфон нөмірлеріне аудио және жазбаша дәрігерлерге сұрақ қоюға болады. Орталықтың жұмысы облыс әкімдігінің тікелей бақылауында. Сауалдарға медицина қызметкерлерінен өзге жедел штабқа мүше мамандар да жауап береді. Өңірлік коммуникациялар орталығында колл- орталықтың жұмысымен танысқан облыс әкімінің денсаулық сақтау мәселелері жөніндегі кеңесшісі Әсет Қалиев дәл қазіргі дүрбелең кезінде әлеуметтік желілерде тарайтын ақпараттарға тым сене берудің қажеті жоқ дейді. "Провизорлық госпитальдарда тыныс алдыратын аппараттар жетіспейді мыс" деген сөз жалған. Барлық емдеу мекемелеріндегі 2800 науқас "ауа терапиясымен" қамтылған деген деректерді алға тартты. Облыстың экс-бас дәрігері пневмонияның қазір тарап жатқан түрі аса қауіпті екенін айтады. Қазір аудандарда бұл дертпен 618 адам ауырып жатыр. Жұқпалы ауруға қарсы арнайы жасақталған орындар әлі де ашылатын болады. Науқастардың жағдайына қарай ауруханалар мен сауықтыру орталықтарына жеткізіледі. Емханалар қажетті дәрі-дәрмекпен бірінші кезекте толықтырылып жатыр.