11 ана АйТи тренингтен өткендігі туралы сертификаттарын алды. Марапаттау рәсімі бүгін Аналар үйінде өтті. Сәбиімен жападан жалғыз қалған аналар тігінші мен маникюр курстарында кәсіп меңгеріп жүр. Бұл Амангүл. Жасы 24-те. Отбасындағы ұрыс-керістерге жолдасының ойынханадан шықпай қойғаны себеп болыпты. Қайын ағасы үйден қуып шыққан соң, қайда барарын білмей сенделген келіншек тәртіп сақшылары арқылы Аналар үйіне маңдай тіреген. 11 айлық сәбиімен бірге осы жерді паналап отырғанына 1 жыл. Жолдасы кешірім сұраса, өткен-кеткенді кешуге дайын екенін айтып қалды. Құрылғанынан бергі екі жылда Аналар үйі 57 ананы сәбиімен бірге аяқтандырып жіберді. Жанұясымен татуластырып, екі қолға бір күрек табуға да көмектесті. Қазір аналардың саны 14. Олар да қараи отырған жоқ. Бүгін компьютер меңгергендігі жөнінде сертификаттарын алды. Аналар үйіне кәсіпкерлер үнемі қолдау көрсетеді. Қыз-келіншектердің белгілі бір кәсіпті меңгеріп, жұмысқа орналасуына да демеушілердің ықпалы зор.