Туберкулез індетін жою және азаматтық қоғамды жұмылдыру мәселелері талқыланды
Амбулаториялық емдеу кезеңінде туберкулезбен ауыратын халықтың әлеуметтік осал топтарын қолдау мәселесі тұрақты бақылауда. Емханадағы қажетті ем-домнан бөлек, әлеуметтік бағдарламалар бөлімдері арқылы туберкулезбен ауыратын науқастарға ақшалай көмек көрсетіледі. Созылмалы ауруы бойынша тізімге алынған бір науқасқа ай сайын 20 000 теңге көлемінде көмек төленеді. Алайда, көрсетіліп отырған әлеуметтік көмектің мөлшері науқастардың күнделікті тұрмыстық қажеттіліктерін толық өтеуге жеткіліксіз. Мәселен, ең төменгі күнкөріс деңгейі 50 851 теңгені құраған жағдайда, ай сайынғы 20 000 теңге көлеміндегі әлеуметтік көмек оның 39%-ын ғана жабады. Дәріханалардағы қажетті дәрілер тізімі құнын айтпаса да болады. Осыған байланысты туберкулезбен ауыратын науқастардың әлеуметтік жағдайын ескере отырып, көрсетілетін көмектің мөлшерін қайта қарау және ұлғайту қажеттілігі туындап отыр. Мәселе алдағы уақытта республика деңгейінде көтерілуі тиіс. Биылдыққа облыс көлемінде 54 науқасқа жалпы сомасы 7 млн теңге көлемінде әлеуметтік көмек төленген. «Туберкулезді тоқтату» стратегиясының басты мақсаты- 2035 жылға қарай туберкулез індетін қоғамдық денсаулық сақтау саласындағы өзекті проблемалардың бірі ретінде жою. Яғни 2035 жылға қарай құрт ауруымен сырқаттанушылық деңгейін 100 мың тұрғынға шаққанда 10 жағдайға дейін төмендету көзделген. Туберкулездің алдын алу, ерте анықтау және науқастарды толық емдеумен қатар, олардың әлеуметтік жағдайын жақсарту мен әлеуметтік қолдау шараларын күшейту маңызды рөл атқарады.Количество показов: 7
Дата создания: 21.11.2026 05:02:41




















