Тіл - ұлттың жаны, халықтың рухани байлығы
Бүгін қалада ұлт ұстазы Ахмет Байтұрсыновтың туған күніне байланысты тілдер мерекесі өтті. Іс-шарада қазақ тілінің қазіргі ахуалы ақсап тұрған технология, бизнес, медиа сынды салаларда қолданылу аясын кеңейту мәселесі қозғалды.Елімізде ұзақ жылдардан бері мемлекеттік тілдің қолданыс аясын кеңейту бағытында түрлі жобалар жүзеге асырылып келеді. 30 жылдан бері қазақ тілі даму үстінде. Соңғы жылдары жаңа технологияларды пайдалана отырып қолданысқа 3 тілде жұмыс істейтін платформа іске қосылған. Ол өзге ұлт азаматтарына қазақ тілін меңгеруге жағдай жасайды. Ең алдымен, сауалнама арқылы қазақ тілі дейгейін анықтап, кейін арнайы тапсырмалар ұсынады.
"Тіл үйрену - емтихан емес. Қазіргі жастар оны жақсы түсінеді", - дейді қазақ тілінде майын тамыза сөйлейтін тележүргізуші Оксана Әубәкірова. Медиа маман өзге тілді толықтай меңгермесең де, сол тілде сайрауға қысылмау қажет деген ұстанымда. Журналист қазақ тілін дамыту мақсатында маңызды шешімдер қабылданып жатқанына дән риза. Мысалы биыл шетелдіктерге арналған пилоттық жобамен таныс болып шықты. Медиа маман сапалы контент те қазақ тілінің дамуына үлкен серпін беретінін алға тартты. Қазақ тілді бағдарламалар, түрлі шоулар мен подкасттар, әлеуметтік желідегі жазбалар да халық арасында тілдің кеңге жайылуына айтарлықтай ықпал етеді. Қазақ тілінің күнделікті қарым-қатынаста пайдалану кеңістігін өзекті мәселе ретінде көтеру қажет деп есептейді. Тіл мәселесін көтерген жиында жаңа дәуірдегі тіл мәдениеті мәселесі көбірек қозғалды. Болашақтағы жасанды интеллект дәуіріндегі қазақ тілінің әлеуеті, қазақ тілін үйрену жолдары болжанды.
Количество показов: 572
Дата создания: 04.09.2026 09:57:37
