Өрттен сақ болыңыз!

Шаһардағы адам көп шоғырланатын сауда орталықтары, мектептер мен көп қабатты үйлерде өрт жиілеген. Бұған себеп - өрт қауіпсіздігі ережелерінің сақталмауы. Облыстық ТЖД бастығының орынбасары Айбат Жаңабергенов бүгін депутаттарға есеп берді. Қоғамдық ұйымдардың әлеуметтік-мәдени дамуы, заңдылықтары мен жұмыстары бүгін облыстық мәслихатта талқыланды. Департамент есебінде қазір 25 мыңға жуық бақылаудағы нысан бар. 2579-ы тәуекел дәрежесі жоғары. Орташа тәуекел дәрежесі 425 объект және 21800-ден көп нысанның тәуекел дәрежесі төмен. Былтыр өрт қауіпсіздігі саласында мемлекеттік инспекторлар 910 тексеру жүргізген. Жыл басынан бергі тексеріс саны - 373. Өткен жылы 312 нысан жұмысын тоқтатқан. Ал биылғы 1 тоқсанда 210 нысан тоқтатылды. Дегенмен, объект бұзушылықтарды жоймайтын жағдайлар да болып тұрады дейді төтеншеліктер. Сәйкесінше тиісті шаралар қолданылады. Депутаттар елді-мекендердегі өрттің шығуы, оны уақытылы сөндіру мәселесіне алаңдаулы. Ауылдарда әкімдіктер жанынан өрт сөндіруші шағын топтар жасақталған. Олар өрт сөндірушілер жеткенше қызыл жалынның алдын ала алады. Оған қоса, қоғам белсенділерін шаһардағы ірі сауда орталықтарындағы, компьютелік клубтардағы қауіпсіздік ережелерінің сақталмауы толғандырады. Жасөспірімдер мен жастар жиі баратын компьютерлік клубтардың дені жертөледе орналасқан. Өрт қауіпсіздігі ережелері басым бөлігіндегі сақталмаған. Шағын бизнес орындарын төтенше жағдай департаменті мамандары тексеру үшін арнайы рұқсат қағазы керек. Арнайы заңдылығы бар. Дегенмен, рейдтер жүргізіледі. Ал, қазір өңірде 75 өрт сөндіру бекеті бар. 200-ге жуық елді мекенді өрттен қорғай алады.
Количество показов: 57
Дата создания: 24.04.2025 06:05:56