Бала қауіпсіздігі - қоғамдағы негізгі міндеттердің бірі
№8 орта мектепте "Заң мен тәртіп" қағидаты аясында мектеп ұжымы, ата-аналар, мектеп оқушылары бас қосты. Балалардың құқықтық жауапкершілігін арттыру, буллинг пен кибербуллингтің алдын алу бойынша сауатын жетілдіру барысында мамандар арнайы шаралар мен тәрбие сағаттарын өткізді. Бүгінгі іс-шара "Жасөспірім және заң" профилактикалық онкүндігі аясында өтті. Мақсаты - кәмелетке толмағандар арасындағы құқықбұзушылықтың алдын алып, балалардың қауіпсіздігіне қатысты ата-ана мен мектептің ортақ жауапкершілігін арттыру. Онкүндіктің ашылуында ата-аналармен "Заң бар жерде - қауіпсіздік бар" тақырыбында ашық диалог ұйымдастырылды. Кездесуге қалалық білім бөлімінің өкілдері, құқық қорғау органдарының қызметкерлері және жастар ресуртық орталығының мамандары қатысты. Мектеп ұжымы баланың қауіпсіз ортада өсуі үшін мектеп пен ата-ананың бірлескен жұмысы маңызды екенін атап өтті. Осы бағытта мектеп психологы мен білім ордасы өкілдерінің қатысуымен эмоциялық буллингтің алдын алуға арналған тренинг ұйымдастырылды. Ал оқушылар үшін жас ерекшеліктеріне қарай арнайы тәрбие сағаттары ұйымдастырылды. Бастауыш сынып оқушылары жауапкершілік туралы түсініктерін кеңейтсе, 5-9 сынып оқушылары өз құқықтары мен міндеттерін талқылады.Количество показов: 6
Дата создания: 10.11.2026 01:53:51
