Еңбек нарығында кәсіби мамандарға деген сұраныс жоғары. Облыстық білім басқармасы, ауылшаруашылық колледжі және әлеуметтік серіктестіктер арасындағы өзара ынтамақтастық Меморандумы осы мәселені шешуге жасалған алғашқы қадам. Бүгін аудандардағы мал шаруашылығымен айналысатын төрт серіктестік Меморандумға қол қойды. Әлемде оқытудың дуальді жүйесі - кәсіп­тік-техникалық кадрлар даярлаудың ең тиімді жолдарының бірі. Бұл жаңашылдық Ақтөбеде енді ғана қолға алынбақ. Австрия, Дания, Нидерланды, Швеция сияқты дамыған елдерде дуальді оқыту жүйесінің арқасында табыс­ты кәсіп жалғасуда. Әсіресе Германияда дуальдік жүйе жақсы дамыған. Аталған елде оқушылар уақыт­та­рының 4/3 бөлігін өндірісте өткізеді. Сонда еңбек етіп, шеберліктерін шың­дай­ды. Ал қалған уақытын теориялық бі­лім алуға жұмсайды екен. Демек, мәселе шешілетін күн алыс емес. Облыстық білім басқармасы бастығының орынбасары Руслан Бегімбетов жиналғандарға дуальды білім жүйесін енгізудің артықшылықтарын баяндап берді. Жаңа жүйе қалыптасса болашақ агрономдар, диқандар мен мал дәрігерлері жұмыссыз қалмайды. Себебі дуальды оқыту жүйесі кәсіпорындар мен оқу орындары және жергілікті биліктің арасындағы келісім- шартқа негізделеді. Сондай - ақ осы саланы таңдаған студенттер теориялық біліммен шектеліп қалмай, өндірістік тәжірибесі де басым болады.