Демалыс күндері жергілікті тауар өндірушілердің жәрмеңкесі өтті. Облыстық кәсіпкерлер палатасы ұйымдастырған шараның мақсаты отандық өнімді қолдау, жергілікті шаруаларды жарнамалау. Жәрмеңке барысында көкөністер жоғары сұранысқа ие болды. Оған мына ұзын-сонар кезек дәлел. Тұрақтандыру қорынан әкелінген картоп, пияз , сәбіз бен қырыққабат арзан бағамен сатылды. Сәбіздің келісі 55 теңге, картоп 50 теңгеден , ал қырыққабат 60 теңгеден саудаланды. Сөрелердің көп бөлігін ауылдық жерлерден әкелінген өнімдер толтырды. Шалқардың шұбаты, Ойылдың тары-талқанына сұраныс бар. Ал ет бағасы әдеттегідей. Келісі 1000-1200 теңгеден сатылды. "Қазақстанда жасалған" атты жәрмеңкенің мақсаты-шағын және орта бизнес өкілдерін қолдау, өз өнімдерін жария етуге жағдай жасау. Облыстық кәсіпкерлер палатасы, алдағы уақытта да жергілікті өндірушілерге жеңілдіктер ұсынбақ.