Әділет департаменті босатқан ғимарат балабақша ретінде қайта жарақтандырылудан өтті. Бұл жұмыстарға жергілікті қазынадан 200 млн теңге шамасында қаражат жаратылған. Жаңа бақша 240 орынға шақталған. Желтоқсан айында пайдалануға берілетін №42 балабақша "Айналайын" деп аталатын болады. 10 топ жасақталады. Әр топтың өз жатын, ойын бөлмесі, ас үйі, жуынатын бөлмесі бар. Қалалық білім бөлімінің басшысы Ләззат Оразбаеваның айтуынша, балабақшаға жолдама қарашаның 27-сі мен 29-ы күндері беріледі. Қазіргі таңда қала бойынша 25 мыңға жуық бала кезете тұр. Қалада биыл мемлекет меншігіне қайтарылған нысан жалғыз бұл емес. Бұрынғы облыстық физика-математика мектеп-интернатының орнынан келесі жылы 280 орындық балабақша ашу жоспарда бар. Одан бөлек, Нұр-Ақтөбе, Батыс-2 және Заречный елді мекендерінде балабақшалар салынады. Бүгінде облыс бойынша бөбектерді балабақшамен қамту деңгейі 83,5 пайызды құрады.