Тамыздың 30-ы күні Хромтау-Әйтеке би тас жолында қайғылы оқиға тіркелді. Жанар-жағар май қалдығын тиеген Камаз бен ДАВ жеңіл көлігі түйіскен. Салдарынан жүк көлігінің жүргізушісі өртеніп кетті. Қарабұтақ ауылынан Хромтауға бет алған "Дав" көлігінің жүргізушісі ереже бұзып, қайғылы оқиғаға себепкер болды. Ол қарсы бағытта келе жатқан Камаз-ды көргенімен, оның басымдығын ескермеген. Сөйтіп жол бермей, 19 текше метр жанар-жағар майы бар көлікке барып соқққан. Оқиға кешкі сағат жетіде тіркелді. Салдарынан екі көлік те жанып кетті. Жүк көлігінің жүргізушісі жан тапсырды. Ал сүйіктісін өлтіріп, кейін өзі 25 қабатты үйдің 20-шы қабатынан құлап, мерт болған өзбек азаматына қатысты тағы бірнеше дерек анықталды. Мәлім болғандай, 29-шы тамыз күні ол Жанқожа батыр көшесіндегі пәтерлердің бірінде 20 жастағы сүйіктісін пышақтаған. 20 рет пышақ сұққан көріністі қыздың 9 жастағы інісі көрген екен. Куәгер оқиғаны құқық қорғаушыларға айтқанымен, күдіктіні ұстау мүмкін болмады. Ол өз-өзіне қол жұмсады. Қазіргі кезде оқиғаға байланысты Қылмыстық Кодекстің "Кісі өлтіру" бабы бойынша іс қозғалды. Күдікті мерт болғанымен, оқиғаның себебі анықталатын болады.