Маккофе мен МакТи сауда маркалары қазан мен қараша айларында өз тұтынушыларының арасында ірі акция жариялаған болатын. Ұтысқа тігілген ең ірі сыйлық - 1 млн. теңге қала тұрғыны  Венера Әбішеваға бұйырды. МакКофе мен МакТи сауда белгілері отандық нарыққа еліміз тәуелсіздік алған тұстан бастап шықы. Өзінің сапасы мен дәмі арқасында тұтынушылардың  сенімін жаулаған брэнд ірі акциялар өткізу дәстүрін  ұмытқан жоқ. Биыл қазан мен қараша айларында аталмыш сауда маркалары республика бойынша "Миллион ұтып ал" науқанын өткізді. Сатып алушылар МакКофе және МакТи қораптарының ішіне жазылған санды СМС арқылы жолдап немесе интернеттегі ресми сайты арқылы тіркеліп бақтарын сынап көрген. Компьютер арқылы күн сайын кездейсоқ таңдалған қатысушы 100 мың теңгеден иеленді, ал ірі ұтысқа ай сайын 1 млн теңге шығарылды. Қазан айында жеңімпаз шырайлы Шымкент өңірінен анықталса, қарашада миллион Венера есімді жерлесімізге бұйырды. Енді Венера өзінің есепшотына аударылған миллион теңгені кез келген уақытта құпиясөзді айтып ала алады. Венера жастайынан жетім қалыпты.  Нағашы апасының қолында өскен. Бірақ, Венераның қамқоршысы ретінде бекітіліп, қызды өзінің атына тіркемепті. Сол себепті Венера осы күнге дейін бірде бір құжатсыз өмір сүріп келген. Түскен оқуынан да шығып қалды. Алайда қажырлы қыз мойымай керек жердің бәріне барды. Жақында "Нұр Отан" партиясының  қабылдауында болған. Мұқтаж жанның тағдырына бей-жай қарай  алмаған депутат көмектесуде. Енді жеке куәлікке де қол жеткізетін күн алыс емес. Венера әлі азаматтық алып үлгермеген. Сол себепті аталмыш сауда белгісі акцияның шарты бойынша ірі ұтысты азаматтығы бар қосалқы жеңімпазға беруді ойлаған. Бірақ, жерлесіміздің ауыр тағдырына түсіністікпен қараған олар акция шартына қайшы келетін қадамға барды. Отанасы атанғанына 4 жыл болған Венера көптен күткен азаматтығын келер жылы алып, ұтқан қаражатына үй салмақ.