Қобыланды батыр атындағы орталық стадионды қайта жөндеу, жаңа маусымға дайындау үшін қазынадан 60 млн теңге қаражат бөлінген. Стадион директоры Қажымұқан Демеуовтің айтуынша, атқарылатын шаруа көп. ВИП-тұлғаларға арналған аумақтағы орындықтар ауыстырылуы тиіс. УЕФА талаптары бойынша ойыншылар бір жерден шығуы керек, сол талапты орындау жағы ескеріліп отыр. Матч кезінде стадионның сыртын бақылау үшін бейнебақылау камералары орнатылады. Ғимараттың маңдайшасы, іші-сырты сырлануы тиіс. Жарық түсіретін галлоген шамдар ауыстырылады. Стадион клуб түстес ақ-қызыл түспен боялып жатыр. Жұмыстар әлі де жалғасады. Сондықтан, маусым айына дейін орталық стадион ішкі матчтарды қабылдай алмауы мүмкін, дейді Қажымұқан Демеуов. Биылғы ел біріншілігі аясындағы ойындар әзір Есет батыр көшесіндегі жасанды ойын алаңында өтіп жүр.