2 ақтөбелік минингит жұқтырып алған болуы мүмкін. Диагноз тексеріліп жатыр. Ал Астана қаласында мидың қабынуы дертіне шалдығуы мүмкін деген диагнозбен 160 адам ауруханаға түсті. Осыған орай облыста аурудың алдын алу мақсатында семинар өтті. Облыстық клиникалық инфекциялық ауруханаға қала, аудандардан дәрігерлер шақыртылып, оларға аурудың белгілері, алдын алу, емдеу шарасы түсіндірілді. Семинарға қатысушылар дерттен қорғану жолдарын халық арасында насихаттауы қажет.  Бұл қатерлі дерт жаз, күз айларында кең тарайды. 

Дәрігерлердің айтуынша  бұл дерт ауа арқылы тарайды. Сондықтан балалардың жазғы демалысы кезінде лагерьге жібермес бұрын, оны мұқият медициналық тексеруден өткізген жөн. Қазір аурудың бұл түрі Армения, Қырғызстан, Молдова елдерінде кең тараған. Ал елімізде Астана қаласында жағдай ушығып тұр. Жаз айларында 160 адам ми қабынуы дертіне шалдыққан деген күдікпен ауруханаға түсті. Оның үштен бір бөлігінің диагнозы расталған. Ал облыста 2 адамның диагнозы тексеріліп жатыр. Айта кетейік, бұл дерттің белгілері пайда болған кезде науқастың бөлме ішінен шықпағаны жөн. Сонымен қатар дереу жедел жәрдем шақыртып немесе учаскелік дәрігердің көмегіне жүгіну қажет.