Облыста азық-түлік  қымбаттады. Шекер құны 156 теңгеге дейін көтерілген. Сондай-ақ,  шұжық өнімдері мен тұз да қымбаттады. Оқу жылы басталысымен кеңсе тауарлары және балалар киімдерінің құны да көтерілген.  Жанар-жағар май бағасы да өсті. Мамандар "бағаның өсуіне теңгенің құнсыздануы себеп"-дейді. Шекер құны 1,3 пайызға өскен. Жеміс-жидектердің ішінен алма, апельсин, лимон қымбаттаған. Жергілікті сауда нүктелерінде сәбіз, жуа және кортоп бағалары түсті. Картоп құны қазір 65 теңгеден жоғары. Ал жұмыртқа  4,1, құс еті 4,2 пайызға арзандаған. Кейбір дүкендерде сүт өнімдеріне жеңілдіктер жасалған. Кеңсе тауарларының қымбаттағаны  сезіледі. Оқу жылы  басталысымен балалар киімі мен кеңсе тауарлары 3,5 пайызға дейін қымбаттап кеткен. Дизель отыны 1,9 пайызға арзандағанымен жанар май құны өсті. 

Соңғы айда ыстық су ақысы  18 пайызға артты. Алайда, әуе және теміржол  көліктерімен жүру қызметі арзандады. Ал, бағаның өсуін мамандар теңгенің құлдырауымен байланыстырып отыр. Азық-түлік және өзге де тауарлар құнының артқанын халық та сезініп үлгерген. Азық-түліктің  қымбаттағанына наразылық білдірген тұрғындар енді коммуналдық қызметтердің  құны өсуі мүмкін деп алаңдап отыр.