Зайырлы мемлекет ұғымы "дінсіз мемлекет" деген түсінікті білдірмейді. Кез келген зайырлы мемлекетте дін жоққа шығарылмайды. Керісінше, мемлекетті мекен еткен азаматтардың діни ұстанымына еркіндік беріледі. Зайырлы қоғамда ұлттар мен ұлыстардың діни сенімі бойынша бөлінуіне жол жоқ. Бұл Республикалық имамдар форумында қабылданған Қазақстан мұсылмандарының тұжырымдамасы. Форумға қатысып келген ақтөбелік имамдар бүгін кездесу өткізді. Тұғырнамада ислам дінінің медицинаны қолдайтыны жазылған. Екпелерден бас тартпау қажет. Ал Ислам және отбасы бөлімінде отбасын құратын қыз бала ата-анасының келісімін алуға міндетті деп көрсетілген. Сонымен қатар, некені туған-туысқандар, қоғам алдында жария ететін ұзату, үйлену тойын жасау құпталады. Ислам бірлік пен татулыққа, тұрақтылыққа үндейтін дін. Десекте те мемлекет ішіндегі келісімді сақтау парыз. Республикалық имамдар форумында имамның тұлғалық келбеті, мұсылманның тұлғалық бейнесі, Қазақстан мұсылмандары діни басқармасы қызметкерлерінің этикасы атты құжаттар бекітілді. Міне, осы міндеттерді тек имамдар ғана емес, кез келген қазақстандық сақтауы қажет. Тұғырнаманың басты талаптарын көпшілікке кең көлемде таныстыру үшін енді кездесулер өткізіледі.