Бүгін доллар бағамы шамамен 10 теңгеге қымбаттады.  Еуразиялық банк пен Центркредит банкінде бір доллар 197 теңге 50 тиынға сатылып жатыр. Сатып алу - 195 теңге 50 тиын. Кейбір екінші деңгейлі банктерде көк қағаздың құны қымбаттау. Мәселен, "Нұр банктің" валюта айырбастау пунктінде доллар 197 теңге 70 тиынға сатылып жатыр. Сатып алу 195 теңге 70 тиын. Салыстырмалы түрде алғанда мұнда доллар құны 20 тиынға қымбат. Ал қаладағы ең қымбат бағам "Казкомерц банкте". Қазір мұнда доллар 198 теңгеге сатылып жатыр. Айта кетейік, барлық банкте доллар тапшылығы жоқ. Тұрғындар қолда бар қаржыны еркін айырбастап жатыр. Біздің қаламызда доллар бағасы Алматымен салыстырғанда шамамен 2 теңге қымбат болып шықты. Қазір Алматыдағы "Казкомерцбанк" долларды 196 теңгеге, ал "Центр кредит" банкі 194 теңге 50 тиынға сатып жатыр. Қазақстан қор биржасы кеше теңгенің долларға шаққандағы бағамы  188 теңге 35 тиын деп хабарлады. Бүгін 195-ке дейін көтерілді.