Демалыстан бері қала дүкендерінде шекер тапшы. Қала бойынша ең арзан бағамен сататын қант орталығында да қант жоқ.  Бір апта бұрын ірі супермаркеттерде адам басына тек 5 келілеп қана сатылып жатқан шекер құны қазір 180 теңгеден жоғары. Соңғы үш күннің ішінде 30 теңгеге қымбаттаған. Қала бойынша ең арзан бағамен сататын қант орталығында да шекер  жоқ.  Ал, кейбір ұсақ дүкендерде сатылып жатқан шекер құнының ең арзаны 170 теңге. 230 теңгеден де сатып жатқандар бар.  Қалалық кәсіпкерлік бөлімінің мамандары шекердің бір-екі күнде ірі супермаркеттердің сөрелеріне қойылатынын айтты. Ірі сауда нүктелеріне түсетін  қант құны жеткізушілердің бағасынан 10 пайызға  артық болады.Шекерден өзге шаһарымызда күнбағыс майы мен жұмыртқа бағасы да шарықтап тұр. Қала тұрғындары тұтынатын азық-түліктердің басым бөлігі көрші елден әкелінеді. Мысалы, Ресейден әкелінетін сұйық майдың құны бір апта ішінде 100 теңгеге дейін көтерілген. Ал 115 теңгеге сатылған жұмыртқа құны 30-40 теңгеге артып, 148-170 теңгеге саудаланып жатыр.