Дүниежүзілік сауда ұйымы бұл - халықаралық экономикалық ұйым. Ұйым 1995 жылы қаңтарда құрылған. Алғашында құрамына 77 мемлекет кірсе, 2005 жылы олардың қатары 149-ға жетті. Жылдам әрі қарқынды дамып келе жатқан ұйымға посткеңестік елден Ресейден басқа  тек Қырғызстан мүше. Енді Қазақстан да осы қатарда. Мемлекет басшысы Нұрсұлтан Назарбаев Женевада Дүниежүзілік сауда ұйымына кіру туралы хаттамаға қол қойды. Жиында елбасы "жер шарындағы теңізге шығатын жолы жоқ  ірі мемлекет болып саналатын біздің республикамыз үшін инфрақұрылым мен көлік-логистика қызметі бұдан былай дамиды" деп айтты. Ақтөбелік сарапшылар да мемлекет басшысының ойын құптайды. 

Бұл ұйымның негізгі мақсаттарының бірі - адамдардың тұрмыс-тіршілігін жақсарту. Ұйымға мүше мемлекет экспорт пен импортқа шектеу қоймайды. Қиыны - мемлекет беретін түрлі субсидиялар жойылуы мүмкін. Кәсіпкерлердің енді бойын тіктеп, бәсекеге қабілетті бола алуы қажет. Қарапайым,  қажет болса тұтынатын тауардың құны арзан болғаны керек.Қазақстанның Дүниежүзілік сауда ұйымына қосылуы кезінде Еуразиялық экономикалық одақтың оң әсері болды. Ресейдің де ықпалы зор. Ұзақ жылдар бойы ұйымға кіру, жаңа экономикалық серпіліс әкелу жолында еңбек еткен Қазақстан әлемнің 160-тан астам еліне есігін ашты. Халық үмітпен бағаның төмендеуін күтеді. Ал кәсіпкерлер жаңа нарыққа бейімделеді. Себебі, әлемдік сауда айналымының 90 пайызы осы дүниежүзілік сауда ұйымына мүше елдерге тиесілі.