Былтыр түзетулер мен толықтырулар енгізілген қаланың бас жоспарын бүгін облыстық мәслихат депутаттары мақұлдады. Жобамен 2011-ші жылдан 2012-ші жылға дейін "Актюбгражданпроект" серіктестігі айналысқаны белгілі. Ал 2012-ші жылдан бері бас жоспарды жетілдіруді астаналық "Градкомплекс" ЖШС-і  қолға алды. Агломерацияның қалыптасуы ақтөбеліктер саны 1 миллионға жететін 2040-шы жылға дейін созылады. Осы аралықта бас жоспар 3 кезеңге бөлініп жүзеге асырылады. Қаланың бас жоспарын облыстық мәслихат депутаттары мақұлдады. Құжат енді қабылдау үшін үкіметке жолданады. Бүгін 2014-2016-шы жылдарға бағытталған облыстық бюджет қайта қаралды. Депутат Асқар Садықов "Нұр Ақтөбе" ауданындағы 1200 орындық мектептің құрылысын аяқтауға облыстық бюджеттен қаржы ауыстыруды ұсынды. Жоба құны 338 миллион теңге. Соның 20 пайызы ғана жергілікті бюджет ақшасы. Қалған қаражат республикалық бюджеттен күтіледі. Ал республикалық бюджеттен ақша тек ақпан айында ғана аударылса, маусым айында пайдалануға берілуі тиіс мектеп құрылысын жүргізушілер қаражатты игеріп үлгермейді. Рузия Айдашева мәселемен білім және ұлттық экономика министрліктері  айналысып жатқандығын жеткізді.