Бүгін Қазақстан қор биржасының кешкі сессиясында 1 АҚШ долларының орташа құны 284 теңге 6 тиын болып бекітілді. Таңғы сауда-саттық сессиясындағы бағадан 75 тиынға көтерілген. Кеше Алматы мен Астана қалаларында 1 доллар құны  300 теңгеге дейін өскен болатын.  Осыған орай  Ұлттық банк валюталық интервенция жасау туралы шешім қабылдады. Ішкі валюта нарығындағы ахуалды  тұрақтандыру үшін елдің басты банкі биржаға 144 миллион АҚШ долларын шығарды. Ұлттық банк мұндай  биржа басқыншылығын жиі жасай алмайды. Тек бір реттік қана. Ұлттық банк сондай-ақ, күн сайын екінші деңгейлі банктер мен ақша айырбастау бекеттерін тексеріп тұр. Мониторинг таңда және кешкісін жүргізіледі. Америкалық валютаны сатып алу мен сату айырмасы 2, ал еуро үшін 3 бірліктен аспауы тиіс деген шектеу бар. Бұл талапты әзірге ешбірі бұзып жатқан жоқ. Нағима Өмірбекованың сөзінше, бекеттер мен банктерде кезек қалыптасты, валюта таусылды деген де шындыққа жанаспайды. Теңге, рубль, доллар да жеткілікті. Ал девальвацияға тоқтам қою өз қолымызда екен. Долларға сұраныс төмендесе жағдай өздігінен тұрақтанады.