Облыстық статистика департаменті  ақтөбеліктердің орташа айлығын есептеп шығарды. Өңіріміз бойынша бұл көрсеткіш - 106 670 теңге.

Салалық құрылымда жалақының ең үлкен мөлшері көлік және қойма кешендері  саласында. Олар орташа 154 260 теңге еңбекақы алады. Ең төменгі еңбекақыны әкімшілік және қосалқы қызмет көрсету салалаларының  мамандары алады. 54 281 теңге. Бұл облыс бойынша орта көрсеткіштен 49,1 пайызға төмен. Ал республика бойынша өткен жылы орташа жалақы 154, 577 мың теңге болды. 2013-жылмен салыстырғанда 12,8 пайызға өскен. Салалық құрылымдар бойынша ең жоғарғы еңбекақы тау-кен байыту  өнеркәсіптерінде екені анықалды. Олар - 341,4 мың теңге жалақы алады. Ал қаржы және сақтандыру саласында 329 мың теңге. Кәсіби, ғылыми, техникалық қызметте 308 300 теңге. Ең төменгі жалақы ауыл, орман және балық шаруашылықтарында - 75 мың 800 теңге. Бұл ел бойынша орташа жалақыдан 2 есеге кем болса, ең көп жалақы алатын маңғыстаулықтардың орташа айлығы 2 есеге артық -318 мың теңге. Ал Солтүстік Қазақстан облысында орташа жалақы 91 мың теңге. Бұл орташа деңгейден 41,2 пайызға төмен.