Ақтөбеде 10 114 киік қырылды
Өңірімізде 10114 киік қырылды. Олардың 7832-сі Ырғыз ауданында тіркелген. Ал, Әйтеке би ауданында 2182 ақбөкеннің өлексесі табылды. Басым бөлігі аналық киіктер. Тек соңғы үш күнде Ырғыз ауданында дала жануарларының қырылу дерегі тіркелген жоқ. Ал жетім қалған құралайлардың жағдайы не болатыны әлі белгісіз. Олар аштан өлуі мүмкін. Мамандар көздері жәудіреген лақтардың тағдырын осылайша болжап отырғанда, Ырғыз ауданының әкімдігі іске кірісіп кетті. Қазір ауданда жетім қалған құралайларды асырап бағу үшін тұрғындардың келісімін алу жұмыстары жүргізіліп жатыр. Қазір аудандарда өлекселер көміліп жатыр. Өлекселер мен су, жерден сынамалар алынды. Шетелден арнайы мамандар келіп, тексеру жұмыстарына кіріскелі қашан. Алайда, Ауыл шаруашылығы министрі Асылжан Мамытбековтің атуынша, еліміздегі киіктердің жаппай қырылуының себебі әлі анықталмады. Сондай-ақ, ол осындай жағдай 1988 жылы тіркелгенін және ақбөкендердің нақты неден өлгендігі дәлелденбегенін атап өтті. Біздің облысымызбен қатар Қостанай және Ақмола өңірлерінде де киіктер қынаша қырылды. Мамандардың мәліметінше, Қостанай облысында ақбөкендер пастереллез ауруынан өлген, ал Ақтөбедегі жағдайға анаэробты энтеротоксимия себеп. Қазір нақты себебін анықтауға үкіметтік комиссия кірісті. Үш облыстың аумағында барлығы 120 мыңнан астам ақбөкен қырылған.
Количество показов: 2011
Дата создания: 03.06.2015 19:44:54
