12 отбасыға пәтер кілттері тапсырылды
Бүгін "Нұрлы жол" бағдарламасы шеңберінде "Бәйтерек" холдингі Қазақстан азаматтарына 2 797-ден астам жаңа пәтер тапсырды. Астана, Алматы, Қостанай және Павлодар қалаларынан бөлек, Ақтөбе тұрғындарына 12 жаңа пәтердің кілті табыс етілді. Қазақстан ипотекалық компаниясы еншілес ұйымы төлем қабілеттілігін растаған ақтөбеліктерге осы айда 41-разъезд ауданынан тағы да 48 жаңа пәтер дайындап қойған. Айта кетейік, қалада 2012-жылдан бастап мемлекеттік қызметкерлер, көп балалы отбасылар, мүгедек балалары бар жанұялар, жетімдер пәтерге кезекке тұрған. Бүгін қала әкімі Ерхан Омаров жаңа қоныс иелерін баспаналы болған қуаныштарымен құттықтады. Зейнеткер Орынгүл Имағамбетова өмірінің көп бөлігін мемлекеттік қызметке арнады. Ол бейнетінің зейнетін көргеніне қуанышты. Пәтерлердің тең жартысы 35 жасқа дейінгі жас отбасыларға тиесілі болса, қалған бөлігі бюджеттік ұйымдардың қызметкерлеріне, мемлекеттік қызметшілерге, жетімдерге, ата-ана қамқорлығынсыз қалған балаларға және әскери қызметшілерге үлестірілді. Айта кетейік, 9 қатарлы үйде барлығы 1, 2 және 3 бөлмелі 108 пәтер бар. Лифт қондырылған. Тұрғындар үйдің 1 шаршы метрі үшін 20 жыл бойы айына 880 теңге төлейді. 5-жылдан кейін пәтерді жекешелендіріп алуға мүмкіндік бар.
Количество показов: 1666
Дата создания: 01.07.2015 22:21:11
