Жалпыға бірдей декларациялаудың үшінші кезеңі басталды

Енді ҚР тұрғындарының шет елдегі шоттары мен меншігі туралы салық органы хабардар болуы шарт. 2024 жылдың 1 қаңтарынан бастап Қазақстанда жалпыға бірдей декларациялаудың келесі кезеңі басталды. Ағымдағы жалдан бизнесмендер, жеке кәсіпкерлер, компания басшылары, сондай-ақ олардың жұбайлары декларация тапсыруы керек. Декларацияда шет елдегі , яғни ҚР шекарасынан тыс жерлердегі мүлік, тұрғын үй құрылысына үлес,бағалы қағаздар, қаржы құралдары, цифрлық активтер, инвестициялық алтын, зияткерлік меншік объектілері, авторлық құқықтар сияқты меншіктер көрсетілуі тиіс.
ҚР тыс жерде мүлкінің бар-жоғы туралы ақпаратты жасырған, сондай-ақ ҚР тысқары жерде орналасқан шетелдік банктерде ақшасы бар жеке тұлғалар жүз айлық есептік көрсеткіш мөлшерінде айыппұл төлейді. 2024 ж 1 қаңтарынан бастап 10 000 ға жуық тұлға декларация тапсырған. Осы жылдың декларациясын 15- қыркүйекке дейін тапсыру керек. Құжаттарды тұрғылықты жердегі салық бөлімшесіне немесе "электрондық үкімет "порталы, "salyq azamat", Халық, Банк центр кредит мобильді қосымшалары арқылы тапсыруға болады.

Количество показов: 302
Дата создания: 22.02.2024 23:45:45