Мал іздеуге шыққан екі ер адам адасып кеткен

31 қаңтар күні Кеңқияқ ауылының 2 тұрғыны жоғалып кеткені жөнінде 112 құтқару қызметіне хабарлама келіп түсті. Аталған ақпарат бойынша 2 азамат 30 қаңтар күні сағат 10:00-де мал іздеуге шығып, автокөліктері қар құрсауында тұрып қалған. Іздестіру - құтқару жұмыстарына құтқарушылар, полиция қызметкерлері мен жергілікті атқарушы органдар жұмылдырылды.Жоғалып кеткен екі ер азаматтың жағдайы жақсы. Оларға медициналық көмек қажет емес. Ақтүтек боранда адасып кеткен малшыларға құтқарушылар дер кезінде жетті. Құтқарушылар тұрғындарға қауіпсіздік мәселесін еске салады. Мәселен, жолға шықпас бұрын ауа-райын қараңыз. Көлігіңіздің техникалық жағдайын сынаңыз. Дауылды ескертулерге құлақ асқан жөн. Әсіресе қараңғыда және ауа-райы күрт нашарлағанда алыс сапарға бармаған абзал. Жолға шыққанның өзінде құтқарушылар балаларды апармауға кеңес береді. Қоғамдық көлік айдайтын азаматтарға қойылатын жауапкершілік жоғары. Дизельді қозғалтқышы бар автокөлік иелері қауіпсіздік шараларын қатаң сақтаған жөн.
Количество показов: 293
Дата создания: 01.02.2024 23:08:03