Қаламыздағы газ құбырларын ауыстыру жұмыстары әлі аяқталған жоқ.

Өткен жылдың қазан айында басталған жаңғырту жұмыстары 2023 жылдың желтоқсанына дейін бітуі тиіс еді. Жаңа жылдың алғашқы айы да өтті. Бұл жұмыстар кешеуілдеп тұр. Ашық жатқан шұңқырларды бірнеше көшеден көруге болады.
Біз түсірген Гастелло және Шевченко көшелеріндегі газ құбырлары жол қозғалысы мен адамдардың қозғалысына кедергі келтіруде. Мердігер компания көшеде терең ор қазып, сол күйі қалдырып кеткен. Қазір бұл шұңқырлар қарға толы. Тұрғындар ұзаққа созылған жөндеу жұмыстарының тезірек біткенін қалап отыр. Өз өміріне алаңдаған жұрт қараңғыда байқамай шұңқырға түсіп кетеміз бе, деп қауіптенеді. Ал мердігер болса құрылыс жұмыстары наурыз айында толық аяқталады, деп сендіруде.

Количество показов: 249
Дата создания: 01.02.2024 02:16:24