Қала сыртындағы трассалар жабық.

Өңірде күн борап тұр. Қала сыртындағы трассалар жабық. Полицейлер алыс сапарларға шықпаңыз, деп дабыл қағуда. Ал құтқарушылар қар құрсауында қалып қойғандарға жете алмай жатыр. Төтенше жағдайлар департаменті кешеден бері 300 ге жуық адамды авакуациялады, оның алтауы бала. Арасында жүкті әйелдер де жоқ емес. Айы-күні жақындаған екі жүкті әйелге көмек көрсетілді. Құтқарылғандардың арасында 71 шетел азаматы бар. Метеорологиялық ахуалға байланысты далада қалған тағы 151 адам құтқарылды. Оның ішінде 14 бала мен 6 шетелдік бар. Барлығы да жылыту пунктеріне жеткізіліп, ыстық тамақпен қамтылды. Қалада да жағдай мәз емес. Кеше қала сыртына қатынайтын автобустар жүрмей қалды. Тұрғындар бүрсеңдеп аялдамада сағаттап күтуге мәжбүр болды. Такси қызметінің жұмысы қызды. Қар тазалау қарқыны мардымсыз, дейді ақтөбеліктер. Соңғы күндері шаһарымызда қар мөлшерден көп жауып, коммуналдық қызмет пен көлік жүргізушілерін әбігерге салғаны рас. Қала аумағын қардан тазалау жұмыстары штаттық режимде жүріп жатыр, дейді жауапты тұлғалар. Бұған 14 мердігер жауапты. Кей жерлерде жарық, жылу болмаса, енді кей жерлерге көлік қатынауы мүлдем тоқтаған еді. Қоғамдық көлік қатынасы қалай? Тұрғындардың пікірін білдік.
Қазіргі уақытта облыс аумағында қолайсыз ауа райы әлі де сақталуда. Бүгінгі күні күрделі жағдай байқалып отырған Хромтау және Әйтеке би аудандарында табиғи сипаттағы төтенше жағдай жарияланды.

Количество показов: 276
Дата создания: 09.02.2024 02:35:39