Ақтөбеде ауыз сусыз отырғандар бар.
Ақтөбеліктер күні кеше ауыз сусыз қалды. Оған себеп ауа райының күрт бұзылып, қарлы боранның соғуы. Салдарынан электр сымдары үзіліп, жарық өшті. Кейін ауыз су беру тоқтатылды. Тіршілік нәрінсіз екінші күн қатарынан отырған ақтөбеліктер бар. Жауапты мекеме мамандары істі қолға алып, қазіргі таңда "Төменгі Қарғалы", "Тамды" су қабылдағыштарын іске қостық, дейді. Айтуларынша, бүкіл қала бойынша су бүгін берілуі тиіс.Қаланың кейбір аудандарына су берілген болатын. Қала тұрғындары арасынан күні кеше "Aqtobe Su-Energy group — Su Energy Group" АҚ - нан ескерту келген соң, ауыз суды толтырып алдық, дегендер де бар. Ескерту жетпей, су қорын жинап алмағандар да баршылық. Әсіресе қала сыртында тұратындардың жағдайы қиын. "Ақсұңқар" , "Есет батыр", "Ақжар"тұрғындар алабындағылар сусыз отырған. Қазіргі таңда "Ақтөбесуэнерготоп" АҚ мамандары штаттық режимде жұмыс істеп жатыр. Мекеме су бүгіннен қалмай берілетінін айтып, тұрғындарды сабырға шақыруда.Количество показов: 258
Дата создания: 09.02.2024 02:40:09
