Жылуға жарымаған балабақша

Бекқұл баба ауылындағы бүлдіршіндер тәрбиеленетін жекеменшік балабақшаның жай-күйі жан түршіктірді. Балалар суық бөлмеде жатып, жылуға жарымай жүр. Еден мен жар суық, батареяға жылу келіп тұрғанымен ғимараттың іші қақап тұр. Бүрсең қаққан балалар екі күннің бірінде ауырып жатыр. "Ақбота" балабақшасы жеке меншік. Әйтсе де мемлекеттік тапсырысты орындап отыр. Мұнда 95 бала тіркелген. Бөбекжайдың іші мұздай. Соған қарамастан 40 шақты сәби балабақшаға келіп жүр.Өйткені, жұмысбасты ата-ананың баласын тастайтын басқа жері жоқ. Әлеуметтік нысанға жылу әдетінше 1-қазанда берілген. Қазан айы жылы болды. Қарашадан бастап қиналдық,- дейді ата-ана. Олар екі ай бойы қол қусырып отырған балабақша әкімшілігінің әрекетсіздігіне наразы. Оқиға орнына қаламыздың бас ұстазы да жетті. "Ақбота" балабақшасының тағдырын арнайы комиссия шешетін болады. Мектепке дейінгі ұйым жекеменшік. Құрылтайшысы мәселеден хабардар. Егер ғимараттағы жылу мәселесі тез арада шешімін таппаса балабақша жабылуы да мүмкін. Мекеме жабылса 95 бала мен тәрбиешілері далада қалайын деп тұр.
Количество показов: 349
Дата создания: 18.12.2024 07:48:46