Ақтөбеде «Көктем-2025» оқу-жаттығуы өтіп жатыр

Жуанның жіңішкеріп, жіңішкенің үзілетін кезеңі жақындап келе жатыр. Үш аптадан кейін жылымық сезіліп, ақ ұлпа ери бастайды. Сәйкесінше, қауіп те артуы мүмкін. Бүгін Ақтөбеде оқыс оқиғалардың алдын алу үшін “Көктем-2025” республикалық оқу-жаттығу жиыны өткізілді. Шара Богословка тас жолының бойында ұйымдастырылды.
Былтырғы жағдай биыл қайталанбауы керек. Қызыл судан жапа шеккен жұрт әлі де есін жия алар емес. Мал шығыны, дүние-мүлкі мен баспанасынан айырылған дүйім жұрт биыл да үрейлерін баса алар емес. Апат айтып келмейді, дегенмен оның алдын алуға болады. Биыл тқтеншеліктер барын салмақ. Республикалық командалық-штабтық оқу жаттығуларын өткізіп, күштерін сынады.Богослов тас жолы бойында күштік құрылымдар сапқа тұрды. Тізілген техникалар мен төтенше жағдайларға арналған құрал-жабдықтардың қауқарын тексерді, көктемгі су тасқынына әзірлік барысы қаралды. Мамандар ең қауіпті аймақтарға аса мән берілетінін атап өтті.Нұрболат Шоқан 6 жылдан бері Төтенше Жағдайлар Министрлігінде бас құтқарушысы болып қызмет етіп жүр. Міндеті- апаттық жағдайда қалған әр тұрғынға көмектесу. Былтыр су тасқыны кезінде дамылсыз 4 ай қызметте болғанын айтады.
Бүгінгі оқу-жаттығуға 653 адам мен 220 бірлік техника жұмылдырылып отыр. Алайда, бұл құрылымда 1000 ға жуық техника бар. 2 454 құтқарушы сақадай сай. Соның ішінде 102 жүзу құралы мен 441 мотопомпа дайын.

Количество показов: 524
Дата создания: 07.02.2025 06:47:13