Ақтөбеде баланың тісін тегін емдету қолжетімді ме?
"Тісі ауырғанның халін сұрама", дейді атамыз қазақ. Ал мұндай жайсыз сезім бауыр етің-балаңды шырылдатқанда еш аянып қалмастан дереу емдетуге тырысатынымыз анық. Бірақ тіс емдетудің ақысы қалтаға салмақ түсіретіні тағы бар. Міндетті әлеуметтік медициналық сақтандыру арқылы баланың тісін тегін емдете аласыз. Алайда, тұрғындар саны 1 млн ға жуықтаған облысымыз үшін бұл жеткіліксіз. Деморафиялық ахуалы жақсарып келе жатқан Ақтөбе үшін тағы балалар тіс емсханасы ауадай қажет.Бұл Абай даңғылындағы облыстық балалар стоматологиялық емханасы. Бұл ғимараттың есігі таңғы 8 бен кешкі 8 ге дейін айқара ашық. Күніне 80 нен астам бүлдіршінге қызмет көрсетеді. Мамандар тіс жегісі балалар арасында қарқынды дамып келе жатқанын айтып дабыл қағуда. Балаңды креслоға отырғызып, тісін емдету үшін талонды таңғы 10 ға дейін алуыңыз тиіс. Әйтпесе қабылдауға кірмейсіз. Ауру тісті жұлдырудың өзіне ұзын-сонар кезек. Бас дәрігердің айтуынша, емханада әзір дүрбелең жоқ. Дәрігерлер тісі ауырған бүлдіршіндерді қаз қалпында қабылдап жатыр. Ал жазғы демалыс кезінде бұл жерде ине шаншар жер қалмайды.Сондықтан, жазды күтпей ерте қамдануға кеңес береді. Өйткені мұнда маман тапшы. Айта кетейік, балалар тіс емханасының филиалы Асау барақ көшесінде орналасқан. МӘМС аясында стоматологиялық көмекке негізгі жүгінетіндер- балалар. Олардың арасында тіс жегісі мен оның асқынған түрі көп кездеседі. Бұл ең әуелі ауыз қуысын дұрыс күтпегеннен, дейді дәрігер. Жұмсақ тағамның да әсері бар. Тіс құртының алдын алмаса, буыны бекімеген баланың жақ сүйегіне дейін қисайып, тісі өспей қалуы мүмкін. Маман ата-аналарды жауапкершікпен қарауға шақырады. Перзентінің ішіп-жегенін бастап, ауыз қуысы гигиенасына шейін қатаң бақылаған жөн. Қазір Ақтөбеде балалар тісін емдейтін жеке емханалар көп. Инстаграм парақшасын ашсаң, жарнамасы мен мұнадалап тұрады. Алайда мұндай қызметті екінің қалтасы көтермейді. Кем дегенде баланың бір тісін емдеуге 20 мыңнан астам қаржы жұмсайтыныңыз анық. Сондықтан халық тегін емханаларға ағылады. Ақтөбеде 5 жеке стоматологиялық емхана мемлекеттік жеке меншік серіктестік аясында тегін қызмет көрсетеді. Биыл қаладағы 12 мектепте стоматологиялық кабинет ашылмақ. Мұның өзі мәселені шешпейді, деп налиды ата-аналар.
Количество показов: 12
Дата создания: 04.04.2025 07:13:30
