Ақтөбеде аутизмге шалдыққан 648 бала тіркеулі

Дүниежүзілік аутизм туралы ақпараттандыру күні 2-сәуір 2007 жылы белгіленді. БҰҰ-ның шешімімен бекітілген дата. Жыл сайын аутизмге шалдыққан адамдар мен олардың отбасыларына қолдау көрсету, қоғамның хабардарлығын арттыру мақсатында атап өтіледі. Бүгін облыстық "Алақай" қуыршақ театрында концерт өтті. Аутизм диагнозы қойылған ұл-қыз ән айтып, би биледі. Шараны "РАСтемка" облыстық аутизмге шалдыққан балалардың ата-аналарының қауымдастығы" ұйымдастырған. "РАСтемка" қауымдастығының басшысы Салтанат Кенжебекованың баласы да аутизмге шалдыққан. 22 жыл бұрын мәселемен бетпе-бет келіпті. 2006 жылғы мәлімет бойынша Ақтөбеде бар-жоғы 6 бала осы диагнозбен тіркерлген екен. 2022 жылы облыста аутизм спекторының бұзылысымен 648 бала есепке алынса, былтыр қазандағы деректе бұл көрсеткіш 900 балаға жеткен. Еліміз бойынша аутизм диагнозымен 35 мыңнан астам бала бар. Бұл - бейресми дерек. "РАСтемка" облыстық аутизмге шалдыққан балалардың ата-аналарының қауымдастығы" қоғамдық бірлестігінде қазір шамамен 70-ке жуық адам тіркеулі. Көбінесе ата-анаға қолдау көрсетіліп, түрлі бағыт-бағдар беріледі. Десе де, аутизмге шалдыққан балалар саны артқан сайын қосымша қолдау мен арнайы сауықтыру орталықтары да көбірек қажет.
Количество показов: 14
Дата создания: 03.04.2025 08:33:41