Ақтөбелік студенттер зауыт жұмысымен танысты
Сабақты өндіріспен қатар алып жүрген колледж студенттері алып зауыттың цехына еркін кіріп үйренген. Бұл жолы да механикалық жөндеу цехына келген студенттерді өндіріс орнының мамандары қуана қарсы алды. Себебі студенттер үйреніп жүріп, өндіріс орнындағы жұмысшылардың қолын ұзартады. Бірнеше рет келген студенттер бұл жердің жұмысын бізден жақсы біледі дейді зауыт қызметкерлері.Ақтөбе өндірістік технологиялар колледжінің студентері бүгін Ферроқортыпа зауытында өндірістегі дублер күнін өткізді. Бұл жолы олар зауыт цехындағы жұмысшы маманның орнын алмастырады. Бірнеше сағат токарь мен электриктің орнына өздері жұмыс істейді.
Болашақ жұмысшы мамандықтарының иелері бүгін Ферроқортыпа зауытындағы механикалық жөндеу және электрмен жабдықтау цехтарында жұмыс істеді.Цехта зауыттың өндірістегі істен шыққан құрал-саймандары жөндеуден өткізіледі. Ақтөбе өндірістік технологиялар колледжінде оқып жатқан 600-ге жуық студент өндіріс ошақтарында жылына бірнеше рет тәжірбиеден өтеді.
Количество показов: 13
Дата создания: 04.04.2025 07:15:22
