Ақтөбеде Балиге барамыз деп миллиондап ақша салғандар сан соғып қалды

"Тatty_travel" туристік агенттігінің құрбаны болғандардың арасында екі жұп бар. Өткен жылдың соңында екі отбасының келіншектері шетелге осы компанияның авторлық турын сатып алып, қаңтарда Балиге аттанулары керек болған. Алайда, алданғандарын Алматыға барған соң бір біліпті. Компания басшысы Салтанат Есенғалиева шетелге билет алынбағанын тұтынушыларға сол жерде айтқан. Олар Алматыдан Куалалампур арқылы Балиге жету керек еді. Сан соққан жастар осылайша Алматыдан кейін қайтады. Айтуларынша, "Тәтті трэвэл" компаниясына алданғандар саны көп. Еліміздің түкпір-түкпірінен 70-жуық адам анықталыпты. Зардап шеккендер ортақ чат құрған. Демалыс үшін бірі - 500 мың, бірі -1 млн, енді бірі - 2 млн.теңге берген. Осылайша, 30 млн. теңгеге жуық қаржыны Салтанат Есенғалиева қалтасына басқан. Қазір өзі шетелде болуы мүмкін, дейді жиналғандар. Алаяққа алданғандар Алматыда бірден полицияға арыз түсірген. Алайда, ол жақтағылар арызды компания басшысының туған өлкесі Батыс-Қазақстан облысына жолдапты. Оралдағы тәртіп сақшылары өздеріне келген арызды қолма-қол ақша алған жері Ақтөбе болған соң сол жаққа жіберуді ескерткен. Осылайша,бір-біріне сілтеп жүргенде арыз жоғалған. Табылмапты. Зардап шегушілер наурыздың соңында Сазды полиция бөліміне қайта арыз түсірген. Талабымыз орындалып, алаяқ жазаланса дейді.
Количество показов: 14
Дата создания: 04.04.2025 07:11:21