Көмір жеткілікті ме?

Өңірімізді газдандыру мәселесі 100 пайыз шешілмегендіктен, көмір отыны әлеуметтік маңызға ие.Көмір жағып,қиналып отырғандардың дені бау-бақша ұжымдары мен елді мекен тұрғындары. Өңірді көгілдір отынмен қамту қарқынды жүріп жатыр. Әйтсе де, көмір тұтынушылар саны аз емес. Сұраныс та жылдағыдай жоғары, дейді сатушылар. Мәселен, қалада көмір жеткізетін екі нүкте бар. Біреуі 41-разъезд ауданында орналасқан.Мұнда әзір қарбалас жоқ. Әйтсе де аяз күшейген сайын, тұтынушылар қарасы да көбейіп жатыр,- дейді серіктестік басшысы.Қаламызға көмір Қарағанды облысы, Шұбаркөл кен орнынан жеткізіледі. Сапасы жақсы. Кәсіпкердің айтуынша, бұған дейін сапаға қатысты шағым болмаған. Тапсырыс жаз мезгілінен бері түсіп жатыр. Аптасына 10-15 вагоннан аудандарға жөнелтіліп отырады. Былтыр көмірдің бағасы тоннасына 22 500 ден сатылса, биыл қымбаттаған. 23 500 ден саудаланып отыр. Көгілдір отынның игілігін көріп отырған тұрғындар жылуға бас ауыртпайды. Ал от жағып, пеш түбіне жылынатындар үшін биылғы қыс біраз қымбатқа түсейін деп тұр.
Количество показов: 267
Дата создания: 10.12.2024 07:02:02