"Искорки" үлгілі халықтық және заманауи би ансамблінің кезекті жүлдесі
Ақтөбелік мың бұралған бишілер Оралда өткен "Дэнс Лайф" би байқауынан құр алақан қайтқан жоқ. 50 жылдық тарихы бар "Искорки" үлгілі халықтық және заманауи би ансамблінің мүшелері үш номинация бойынша өнер көрсетті. Қазылар алқасы жерлестерімізді мықты деп танып, жүлделі орындар берді. "Темірқазық" атты қазақ биі, "Винтики" эстрадалық биі мен "Месибат Равакот" еврей биін сахналады. Бишілер байқауына Қазастаннан ғана емес Ресей елінің де бишілері қатысты. Нәтижесінде жерлестеріміз жүздек жүйрік шығып, бірден үш жүлдені қанжығасына байлады.Ансамбльдың көркемдік жетекшісі Константин Фроловтың айтуынша, балғындар жақсы дайындықпен барған."Искорки" үлгілі халықтық және замануи би ансамблінің 50 жылдық тарихы бар. Мұнда бүлдіршіндер 4 жастан бастап жаттығады. Байқауға ұжымның үлкен, орташа және кіші тобы қатысқан. Музыканы жан-тәнімен сезінетін талант иелері байқауда бірнеше қойылым ұсынып, қазылар алқасын тәнті еткен.3 би түрінен сайысқа түскен талантты жастар өңірге 3 жүлделі орын әкелді.Ақтөбенің абыройын асқақтатып жүрген жергілікті «Искорки» би ансамблі еліміздің басқа өңірлерінде сонымен қатар, көршілес мемлекеттерге де барып өнерлерін көрсетіп жүр.Жас бишілердің ендігі мақсаты болашақта аты жер жаратын биші болу.
Количество показов: 305
Дата создания: 11.12.2024 07:39:23
