"Даму " қоры БАҚ өкілдеріне пресс тур ұйымдастырды
"Даму" қорынан төмен пайызбен субсидия алып, кәсібін дөңгелетіп отырған мекемелер, кәсіпорындар баршылық. Соның бірі "Ақтөбе құбыр зауыты" Батыс Қазақстан бойынша болат құбырлар шығаратын жалғыз зауыт. Кәсіпорын құбырлар мен компоненттерді өндіруге арналған заманауи техникамен жабдықталған. Зауыттың қуаттылығы жылына 20 мың тонна.2024 жылдың басынан бастап "Даму" Қоры облыстағы шағын және орта кәсіпорындарына жалпы сомасы 69,5 млрд теңгеге қолдау көрсетті. 1 930 жоба қолдау тапты. Оның ішінде субсидиялау бағыты бойынша 46,4 млрд теңге сомаға 1 126 жоба, кепілдік беру бағыты бойынша 13,86 млрд теңге сомаға 562 жоба қолдауға ие болды. Құбыр зауытынан бөлек сұйық және қатты дәрілік препараттарды, сондай-ақ медициналық маскалар шығаратын кәсіпорынның қызметі көрсетілді. "FIBC KAZAKHSTAN" серіктестігі полипропилен матасынан жасалған биг багтар, вагон төсемдерін, шатырларды, техникалық таспаларды өндіру, сондай-ақ полипропилен түйіршіктерін өндіру қалдықтарын қайта өңдеу және тазарту орындарына тур жасалды.Біз өндіріс орындарынан қызу жұмыс, ел игілігін еселеп жатқан жетістіктерді көрдік. Олар мемлекет қолдауға ие болумен бірге, тұрғындарды тұрақты жұмыспен қамтып, әлеуметтің әлеуетін көтеруге көп септігін тигізіп жатыр.Количество показов: 342
Дата создания: 12.12.2024 10:42:39
