Бүлінген "Бауырластар зираты" қайта қалпына келтіріледі. Бұл үшін қалалық бюджеттен 200 мың теңге бөлінген. Сындырылған тақтайшалар жасалып, 1-ші қарашаға дейін орнына ілінеді. Әзірге зираттағы шашылып жатқан қоқыс жиналып, өсіп кеткен арамшөптер тап-тұйнақтай болып тазартылған. Мемлекеттің қарауындағы қорымды орынсыз қиратқандар қазір іздестірілуде. 2010 жылы ҰОС-ның 65 жылдығына арналып тұрғызылған ескерткіш тақтаны "Гранит" кооперативінің мамандары қайтадан жөндеуді қолға алыпты. Отанымызды қорғаған жауынгерлер үшін тұрғызылған ескерткіш тақтаны қиратқандар кім екені әлі белгісіз. Бұзақылық жасағандар ұсталып, заң алдында жауап беретін болады. Бұл адамның ісі емес, тақтайшалар қатты желден құлады дегенді дәлелдейтін зиратты қорып отырған күзетші де жоқ.