Жыл соңына дейін қаламыздың Батыс-2 ауданы мен Ә.Молдағұлова даңғылын жалғайтын тас жол іске қосылмақ. Аталмыш жоба құрылысын "КТП" ЖШС қолға алған. Жолдың ұзындығы 800 метр. Батыс-2 ауданында құрылыс жұмыстарының басталғанына көп бола қойған жоқ. Соған қарамастан бұл маңайда қазірдің өзінде бірнеше үй бой көтерген. Оның бірқатарына тұрғындар қоныстанып та үлгеріпті. "Тұрғынүйқұрылысжинақбанкі" салымшыларының қаржысына салынған 10 қабатты 6 үйдің алтауы да коммуналдық желілер жүйесіне түгелдей қосылған. Батыс-2 тұрғындарын толғандырып, бас ауруына айналған басты мәселе ол - жол болатын. Қалаға жаяу қатынап, жол азабын тартқан батыстықтар көп ұзамай өркениеттің бұл өрнегіне де қол жеткізетін болады.