Бүгін Темір ауданының әкімі есеп берді
Өңірлік коммуникациялар қызметі алаңында кезекті жылдық есеп. Бүгін Темір ауданының басшылығы есеп беріп жылды қорытындылады және 2025 жылға арналған жоспарларымен бөлісті. Бүгінде Темір ауданында 1 қала мен 10 ауылдық округке қарасты 24 елді мекен бар.Тұрғындар саны 35 мың 271. Оның ішінде 17 мың 112 адам экономикалық белсенділер санатына жатады.Темір ауданында ағымдағы жыл 1 772 жаңа жұмыс орнын құру жоспарда болған. 10 айдың қорытындысы бойынша 1 350 орын ашылып, жоспардың 76 пайызы орындалып отыр. Халықты жұмысқа тартуда ауданда 6 рет жұмыс жәрмеңкесі өткізілді. Жәрмеңкеге 55 жұмыс беруші қатысып, 141 келуші, оның ішінде 87 адам түрлі жұмыспен қамтылды дейді аудан басшысы.Аудан бойынша тұрғын үй мәселесі маңызды. Тұрғын үй кезегінде бүгінде 399 адам тұр. Оның ішінде; көп балалы ана- 130 , жетім балалар- 60, әлеуметтік әлсіз топ- 139, мемлекеттік және бюджеттік қызметкерлер-62, апаттық үйі барлар- 8 адам. Ал газбен елді мекендерді қамтамасыз ету мәселесі бойынша Алтықарасу, Еңбекші ауылдары газдандырылды, қазіргі таңда Шығырлы және Ащысай ауылдарына газ тарту жоспарда екенін айтып өтті. Аудан елді мекендерінде Денсаулық сақтау саласында 24 мекеме қызмет көрсетеді. 27 жалпы білім беретін мектеп, 4 қосымша білім беру ұйымдары, 13 мемлекеттік және 4 жеке балабақша жұмыс жасайды. Мәдениет саласында 28 мекеме халыққа қызмет көрсетеді.Количество показов: 323
Дата создания: 29.11.2024 09:04:28
