Бүгін қала әкімі Ерхан Омаров ұстаздарды төл мерекелерімен құттықтады. "Ұстаздар ұлағаты - мәңгілік" деп аталатын салтанатты шара қаладағы сәулетті мейрамханалардың бірінде өтті. Оған білім бөлімінің басшыларымен қатар қала мектептерінің үздің ұстаздары шақырылған. Қала мектептерінде 4 мыңға жуық ұстаз бар. Шаһар басшысының шақыруымен бүгінгі мерекелік шараға солардың 300-ден астамы жиналған. Елеулі еңбегімен көзге түскен 20 ұстаз қала әкімінің ақшалай сыйлығы мен алғыс хаттарына ие болды. Мерекенің көрігін одан әрі қала өнерпаздары қыздырды. Мұғалімдер мейрамына арнап ұйымдастырылған түрлі ойындар мен байқаулар салтанаттың сәнін аша түсті.