Ақтөбеге су жаңа "Гармошка" автобустар келді

Су жаңа 15"Гармошка" автобус №46 бағытта қатынайтын қоғамдық көліктерді ауыстырмақ. Ал №46 маршрутта қазір жүрген автобустар босап, оларды №6, №48 бағыттарға қоятын болады.“Qala Trans” серіктестігіне тиесілі Yutong маркалы 15 дана “гармошка” автобусының ұзындығы 18 метр. «Автопарк» серіктестігі жылдың соңына дейін тағы 25 жаңа автобус жеткізуді жоспарлап отыр. Ол автобустар келген жағдайда №42, №14 және №26 бағыттағы автобустар жаңаратын болады. Асхат Шахаров Тәуелсіздік күні қарсаңында жаңа көліктерді қарап шығып, жолаушылар тасымалының сапасын жақсартудың маңыздылығын атап өтті.
Ақтөбеде автобус паркін жаңарту жұмыстары жалғасып жатыр. Мақсат- жолаушылар ьасымалы саласын жаңғырту, қызмет көрсету сапасын арттыру. Көлік қатынасын жақсарту. Қазір қаламызда жолаушылар тасымалына 46 бағыт бойынша 5 кәсіпорын жауапты. Күнделікті желіге 300-ден астам автобус тұрғындарға қызмет көрсетіп келеді.
Қазан айында “Автопарк” серіктестігі 25 Yutong алып келіп, №22 және №24 маршруттарға қойған болатын. Ал “РТТ групп” серіктестігі 4 дана Isuzu маркалы автобус пен 10 Yutong автобусы алып, №29 және №44 бағыттағы автобустарды жаңартқан болатын. Ақтөбеде автобус паркін жаңартумен айналысатын бес компания жаңа көліктерді енгізу арқылы жолаушылардың жайлылығы мен қауіпсіздігін арттыруды және көлік қатынасын жақсартуды көздейді. Облыс әкімі бұл шаралар қалалық инфрақұрылымды жақсартып, тұрғындарға жоғары деңгейде қызмет көрсететінін атап өтті.

Количество показов: 382
Дата создания: 18.12.2024 07:51:28