Ақтөбеде жыл үздіктері марапатталды
"Жыл үздігі" атағын алғандардың қатарында Тілеубек Өнгенбай да бар. Жиырма жылдан бері аула сыпырушысы болып еңбек ететін Тілеубек еліміз тәуелсіздік алған жылдары Монғолиядан көшіп келген. Саяжайдан үй тұрғызып алған, екі баланың әкесі. Еңбек адамы өз кәсібін мақтан тұтады. Ол күн сайын таңғы сегізден бастап, Әбілқайырхан даңғылын бойлап, Әлия аялдамасынан Тілеу батыр көшесіне дейінгі аралықты тазалап шығады. Бүгін марапатталған "Жыл үздігі" атағын иеленгендердің арасында қоғамға аса қажет бір топ еңбек адамдары болды. Қала әкімі азамат Бекет те өз сөзінде биыл су тасқынынан кейінгі қиын жағдайда ел қамын ойлаған азаматтардың ерен еңбегі көзге түскенін айтты. Халық қамын ойлаған қарапайым еңбек адамдары аянып қалған жоқ. Соның нәтижесінде табиғи апаттан зардап шеккендерге нақты көмек көрсетілді. Биыл "Жыл үздігі-2024" байқауы 19 аталым бойынша өтті. Басымдылық -жұмысшы мамандықтар мен еңбек адамдарына берілген.Количество показов: 363
Дата создания: 19.12.2024 10:15:23
