Ақтөбеде тұмау өршіп тұр

Өңірімізде жыл басталғалы жұқпалы респираторлы вирусты инфекциямен 101 063 адам ауырған. Бұл ресми мәлімет. Ауруын тасалап немесе емханаға бармағандары қаншама. былтырғы жылмен салыстырғанда аурушаңдық 1,1 пайызға өсіп отыр. Ауру бірнеше сағаттан 2-4 күнге дейін созылатын инкубациялық кезеңнен басталады. Сондықтан мамандар адам көп жиналатын жерлерде, әсіресе жабық үй-жайларда ұзақ болмауға, ондай жерлерде бетперде тағуға кеңес береді. Иммунитетті көтеру маңызды. Ұйқыға ерте жату, құнарлы тамақтанып, дене белсенділігін көтеру-денсаулық кепілі. Пневмония, яғни өкпенің қабынуы дертіне шалдыққандар саны да артып отыр. Былтыр бұл дертпен 96 адам тіркелсе, биыл эпид.маусым басталғалы 274 науқас анықталған. Инфекция немесе бактериялардан болатын өкпенің қабынуы балаларды да айналып өтпеген. Бұл сырқаттың жеңіл де, ауыр да түрі бар. Ең алдымен, ауру иммундық жүйесі әлсіреген балалар мен қарт адамдарға қауіп төндіреді. Дер кезінде емделмесе, науқас уақтылы ауруханаға жатпаса өліммен де аяқталуы мүмкін.
Инфекцияның өршуіне байланысты өңірде шектеу шаралары енгізілді. Мәселен, медициналық мекемелерде маска кию шарт. Емханаларда жөтеліп немесе қызулатып келген адамға фильтр қарастырылған. Балабақшалар мен мектептерде мейірбикелер балаларды міндетті түрде таңертең тексеруге міндетті. Сондай-ақ, дезинфекциялық режим күшейтілуі тиіс.

Количество показов: 367
Дата создания: 19.12.2024 10:12:29