Бүгін түс уақытында 41 бекет аумағын қою қара түтін қаптады Өрт көтерме базарға жақын орналасқан қоймадан шықты. Қатты желдің кесірінен төрт сағат бойы тілсіз жауды ауыздықтау мүмкін болмады. Қоймада жиһаздар мен қағаз бумалары өртенген. Ал көкті жайлаған қою- қара түтін базар айналасындағы саудагерлердің үрейін ұшырды. Қойманы бірнеше жеке кәсіпкер жалға алып, осы уақытқа дейін өз мүдделеріне жаратып келді. Оқиға орнына жиналған куәгерлердің бірде - бірі кеткен шығын үшін қайғырып, дау тудырып жатқан жоқ. Тілсіз жаудың қалай басталғаны туралы да тіс жармады. ТЖ департаменті қызметкерлерінің айтуынша өртенген қойма иелері техникалық қауіпсіздік ережелерін сақтауға жауапты қарағандардың бірі. Өрт қасақана қойылда ма? Әлде электр сымдарының қысқа тұйықталуынан ба? Қазір өрт болған жерді мамандар тексеріп жатыр.