19-қазан құтқарушылар күні. Осы датаға орай бүгін облыстық төтенше жағдайлар департаментінде ашық есік күні өтті. Ашық аспан астында құтқару техникаларының көрмесі ұйымдастырылды. Онда өрт сөндірушілермен қатар жедел құтқару жасағы өз құрал-саймандарын қойған. Шараға қатысқан қаладағы орта мектеп оқушылары көрмені қызыға тамашалады. Әр құтқарушы жанына келген жасөспірімге өз қызметінің ерекшелігін барынша түсіндіруге тырысты. Құрал-саймандарының құрылысымен таныстырды. Жоғары сынып оқушылары із кесуші иттің қабілетін байқап көрді. Өрт сөндірушілердің киімдерін киіп көруге мүмкіндік алды. Құтқарушыларды даярлайтын жоғарғы оқу орны Көкшетау қаласында орналасқан. Болашағын осы саламен байланыстырғысы келетін жасөспірімдерге Көкшетау техникалық институты жөнінде де ақпар берілді.19-қазан құтқарушылар күні. Бүгінгі ашық есік күні осы датаға орайластырылды. Төтенше жағдайлар департаменті мерекені әлі де атап өтеді.